يقول أبو برهان عاد الامل
7 فبراير 2019م.
.............
يقول أبو برهان عاد الامل
من بعد ما اتعافا رياله
قالوا قد الدولار صرفه نزل
نزل مع ذي بالعقاله
من بعدما قد غاب نجمه افل
ظهر وقد في الشعب حاله
والسعر جالس لين ما زد دخل
في البر وانواع الجعاله
اهم شي توفير قوة جبل
يوفروها في البقاله
لني اساس الكيف حق القطل
والقات يطلع ما مثاله
هي ذي تبعثر لي حروف الغزل
واللحن تعزف به اصاله
واكتب حروف للي كلامه عسل
ذي زينه رب الجلاله
واتخيل اني جمب غصن الدقل
ذي وسط خده حب خاله
ما مثلها تبعد جميع العلل
لاشي مرض تم الازاله
لا غاب عني يوم قلبي قفل
مدري محب اوهي خباله
لكن انا في الحب ذيب العول
مرتاح ولو تحت الكفاله
............
زودنا
بالقصيدة الشاعر عبد الاله الدغري
