الليل بالفل والريحان والعطري
23 نوفمبر 2019م بدع مرسلة للشاعر علي عامر العبدلي .
.............
الليل بالفل والريحان والعطري
تحية الأخ ذي حبه سبق قدره
تحية القبيله وفضولها العصري
مترادفه بين فك الرمز والشفره
والساع وين المعنى صاحب القدري
ابو محمد ولد شولب معه خبره
غسلتها غسل بالديزل وبالفيري
ياشولب الفعل عند القبيله نكره
هذا هو العبدلي اح اح يا قهري
وش تالية نظمه ابياته مع شعره
تعال ياشولب احك السر والجهري
وان انت مثل الجمالي سرها سره
مش لجل لفت المزز بكلامه المغري
ولا علىشان كسب الجاه والشهره
بدري عليك الهوى يا عبدلي بدري
لا تدخل الحي يا ساكن في
القفره
مش من فعل له حساب با تخطفه قمري
ولا منو شاعر أدا الماء مع الخضره
اترفعوا حيث حل الباز والصقري
ولا تحلوا مكان البوم في الحفره
الحب ما هو مقاله خطها حبري
ولا هو الضحكه العمياء ولا الصفره
ما هو عمل قال عنه محسن الجبري
ولا حجر صم صورع تدو الزبره
الحب يا بدو ما قد كن في الصدري
على قوانين بعد الرد والنظره
الحب قصه حواها المد والجرزي
لو اشرح الحب ما با تكفي مية
نشره
هذا ويا اغلى الغلاء يا عمدة الفخري
يا عبدلي خذلك احلا الورد من زهره
واتقبل أقوال صاحب جات ذي تجري
مع وفاء خاص متراكم على عذره
...............
قصيدة الشاعر / علي
عامر علي العبدلي
جواب على قصيدة الشاعر عبد الله ناصر الاحمدي.
...................
من معقل الجود والجودات با نسري
من حيد شامخ شموخه عانق الزهره
من حيث حل الوفاء والطيب والصبري
ساس الوفاء والكرم والعرف يا كبره
من حيد الاعماس هز التاهم الحجري
فخري وعزي أسود الحق مش هدره
اجيك رافع لراسي مستند ظهري
لا حيد فيه الوفاء يمنه ومن يسره
هساع حيا عدد ما اتللم الغدري
مراحب الجود قدر الضيف في السفره
يا ضيف با اخيرك امرين في أمري
إن تأخذ الورد ولا خذته الجمره
كلامك أكبر دليل انك ولد كبري
مغرور لكن وصلته داخل الحفره
يا مارد الجن في مصباحي السحري
اجلب لي الاحمدي حطه على الشفره
ذي جاء مسوي عليا صاحبي نكري
ما غير نمزح ونضحك شلو الحتره
انا بديوي وهو قد هو ولد حضري
والفرق شتان في الثنتين يا خبره
القبيله عادها بعروقنا تجري
العبدلي بالبداوه دايما فخره
ما عمري احنيت راسي يا حسن نصري
ارفع علومك ترفع كل حد حذره
حرام بالله ماقط أن كتب حبري
لجل المزز يا احمدي واتنشد الخبره
عكست طبعك لنا في موجز النشري
قلبته المزح عندي صدق من صبره
احنا رجال الشيم مهما جرى الدهري
واسأل علينا جدادك في العمر دفره
ما نعرف الويسكي والشرب والخمري
على حليب الإبل للطفل من صغره
هذا وكن شخص عاقل والتمس عذري
والا فالاكراد با تطرد من البصره
ولا تسو القطنه أو تسا الحمري
عادك وعاد المراحل كلها وعره
منين تعرف لميلادي ولا هجري
ولا لك أخبار لين السير والهجره
تعال تابع وشف في بثي الحصري
وشوف وش الجديد استوعب الفكره
إفتيك من بون لا غرّب فما يسري
وان صابح الصبح يشكي من ألم ظفره
صغير عقله وتفكيره قده مزري
من بعد ما كان شامخ جاته الحسره
هو بار في صاحبه واصبح في البري
وحيد لا اخ لا صاحب ولا اسره
هذا وخذ من علي وده وخذ نذري
ولا تعيد الخبر تغرق وسط بحره
................
قصيدة الشاعر / عبد
الله ناصر الاحمدي
جواب الجواب
................
من وسط دار العجام وشموخه الفطري
ومن ضفاف الشهامه والكرم نهره
من وادي احمد جمال محله السحري
من رأس حمة بني زيدان بالخبره
ذي هي مطله على الاعماس والزوري
شل الخبر يا رفيق الاحمدي واسره
لا عند صاحب هلالي داهل
الفشري
طمّر غروره نفق طمره ورى طمره
عنوانه أرحب هلأ عشرين في عشري
على الوفاء والكرم والطيب والعسره
ترحيب ماله جمل تحصى بلا قصري
إلا إذا هو مشعب جهزوا قصره
هو التهم بتكبر دون مايدري
وانا تكلمت بالواقع ومش سخره
في القبيله عيب هذا الأمر يا عمري
حتى ولو مزح مش لايق ولا مره
قلي من انته قد اقبل هاجسك
زري
من انت الفرزدق تهنجم شلو النخره
بلا غرور ادحن خيري مع شري
وانك مشعب أمامك بحر وانت ابره
ثابت ثبوت الجبل ذيما عرف قدري
يقدم ومرحب بعالي صوت باجره
دام البساط احمدي والقلب في الصدري
يترنم الحرف عندي بحر يا قطره
ومادح النفس كاذب واعطف الجري
حبيت اقلك دلا ما فادت القمره
هذا وما ودي اتكلم
وسط شطري
قدك على برجنيف ما تشته
التمره
الفيسبوك كل حبه كذب يا عفري
شلوك كفلك عثرته هاذي العثره
به فرق فالشم بين الند والعطري
وفرق بين الشجاعه هي ويا الحسره
وفرق بين الرجال النذل والكبري
كبري على صاحبي لا تلحقه ذمره
ما هو تكبر على مخلوق يا صبري
كبري على القبيله في الضم
والكسره
فتواك في (الشك) ما هو شك في الغدري
اذا رأيت السحب با تلحق
المطره
بالخص لا قد تحنن راعده حجري
با تشرب الأرض ولم السيل من
زفره
وافتيك من روح تسكن روح بالجبري
دخيلة الأصل لكن تعكس الفكره
متغلغله في عروق الدم ذي تجري
وتستغل العباد ولا لقوا حثره
تخلي المكتسي بالقبيله بطري
وتلبّس البطري المشئوم في عمره
ومن دخلها حنب يتجرع المري
ولا يحصل سعاده نقصت سعره
والختم صليت دايم سر أو جهري
على محمد وال البيت والعتره
......................
قصيدة الشاعر / علي
عامر علي العبدلي
جواب جواب الجواب.
.........................
الليل هاتوا لي الجعبه مع الجفري
واشتي من الخيل يا سياسها مهره
قد بمتطيها وبعبر خطي البري
أسري بها ما توقفني وسط عصره
من قال جني فبا اقله مية عفري
اسقيه كأس المنيه موت من صبره
احنا لها لو يطول الوقت والدهري
اتقرط العافيه يا شيخ في الفدره
عادك وعاد أين با تبدع من الصفري
ورقمك أصمول ما يوم ارتفع صفره
احنا لكسب المخوه دايما نشري
ما ودي انك ثنيته موجز النشره
ذي ما يجي فالشواعه با يجي معري
والاحمدي هو بيده قد حفر قبره
انا نصحته وحذرته رفض حذري
يريد طعنه قويه في حنا الثغره
جاني وانا ما لمثله صاحبي مطري
وش عرفه كيف حرف الجر والكسره
على يدي مقتله ذي يتبع الكفري
مأكل مره وهي با تسلم الجره
رثوا لحاله وشوفت وضعه المزري
على حسابي يريد أظهر له الشهره
موجات بحري وفيض السيل من نهري
با ياخذه لا سفال الحيد والقفره
يا ليت وانه ولد ناصر جلس شطري
لا يختفي عن سماء الابداع أبد بدره
يصبر على حر ناري أو لضى جمري
والعظم لا قد كسر يصتصعبوا جبره
يا ويلك الويل من بردي ومن حري
يا عاصب الشال شد الكوت والوزره
القبيله حقنا واحنا لها وكري
والصقر للقوبره ما ينحني وكره
باقي زمام المعارف ماسكه ضبري
ما يرحم إلا من اتخلت على ضبره
وسم الفساله وربي ما دخل جدري
اموت واحيا وانا ماسك على الكبره
جوده وناموس في دمي ترا تسري
ما يرحم الأ من الجوده أبت صره
اشهدت يامي وقحطاني مع شهري
ومن سمعني يشوف الصدق من نظره
مش فلم هندي ولا تمثيل من مصري
ننطق علوم الوفاء كنها عسل سدره
لا برت في صاحبي هو نقص في سعري
من باع صاحب بماشي ينتقص سعره
قيس الخبر ي فتى وهتم في قطري
يختل ساس البنا لاما اوتزن قطره
هذا وحمة بني زيدان با تدري
بقوالنا والخبر معروف من قعره
انا التمس عذر منهم ما بهم قصري
ونعم بكمن وفي له فزمن عبره
جاني ولدهم مسوي شخص متحري
الزمني ارد بعد الصبر له دفره
لا حد يصيّح ولا يهتز من كسري
ووكر حمتهم أدت بندقي نسره
فتواك في النفس طماعه وما تدري
لبراء هواه مع قله ومن كثره
يا صاحبي خذ من أقوالي خبر وجري
اربط على الجرح لاشي صابتك خشره
وختمها بالنبي ما همشل الغدري
صلاه تغشا محمد تالي السمره
..............
زودنا
بالقصائد الشاعر عبد الاله الدغري
1 تعليقات
صح السانك والسانه حروف من ذهب بدع وجواب
ردحذف