اليوم قررت انا والست هانم نزور
6 نوفمبر 2019م.
.............
اليوم قررت انا والست هانم نزور
اهم مركز تجاري في مدينة ذمار
لي خمسه اعوام اواعدها وخمسه شهور
واليوم نفذت وعدي واتخذت القرار
خرجت مختال وايَّاها بنفسي فخور
من شدة الغيره اتلفت يمين ويسار
يسراتها في يميني غر ّ وافق غيور
معنا اربعين الف محصول السنه والضمار
قالو لي اصحاب سيتي مكس للخلف دور
هذا المحل التجاري للصوص الكبار
قلت اعرفوا من معاكم واسمحوا بالمرور
معاكم اشهر مراسل في قناة المنار
الحال مستور والدنيا معايا سبور
قالو إذن مرحبا بك واقبل الاعتذار
دخلت قسم الروائح والتحف والعطور
ألف وادور انا والسيد المستشار
ناديت واحد من اصحاب المحل الدبور
وقلت كم سعر هَذ الرائحه باختصار
قال اربعه الف قلت الله يديم السرور
ما احناش عرسان قد شهر العسل جاء وسار
نشتي روائح نلطف جونا والشعور
لأن قد شمنا باروت يا اهل الشعار
طفنا وشفنا وشمينا رحيق الزهور
بالمبلغ المالي اللي طار مثل الغبار
لاشي مائة الف كانت أمس تبني جسور
واليوم مليون كودك تشتري به حجار
رجعت قسم الملابس غاليات الأجور
قلت ايش رأيش أخذ لي شال وانتي خمار
ونعلق الوعد لا ما تستقر الإمور
وتنصرف مستحقاتي ويلغى الحصار
يكفيش إنش تروحتي بعلبه بخور
غيرش وغيري بيتبخر بباروت حار
الجاهليه ظلام اسود والاسلام نور
والسلم والحرب جنه يا سعيده ونار
...............
){kind=link}
0 تعليقات