يا سلام للعيون الي غمرني بحبه
بدع بتاريخ 20 ديسمبر 2019م.
.............
يا سلام للعيون الي غمرني بحبه
وأدهشتني عيونه بالنظر لي لحالي
ليت يالربع وأنا في الغماره بجنبه
واسعده كل الأوقات واجعل القلب سالي
شفت انا كفه الأيمن وهي مستخبه
بالبياض المروع قلت ذي هو ببالي
قلت ياليت يا ربي وهي لي حبيبه
من جمال العيون ذي شفت والله قبالي
ألقت القطعه البيضاء بدون أي ريبه
والكتابه عليها بنت تشتي وصالي
قلت يا هاجسي نتواصل أو لا نسيبه
قال مانا يمين ما ارد إنسان غالي
قلت ما ينفع الحب في رسايل وغربه
وإن بغيت الصراحه صدق هذا مجالي
شفت فيه المشاعر باينه من هدوبه
والمشاعر رومنسيه وهذا خيالي
بنت حلوه وفيها الذوق ما حد يعيبه
فوق هيلكس والعينين عيون الغزالي
بس كان اختيار البنت أكبر مصيبه
لأنها اختارت اللي ما يجي ذا المجالي
................
قصيدة الشاعر / أبو احمد
الناصري
تعقيب على قصيدة الشاعر كمال القشيبي
.............
ليلك اليل يا سالك دروب المحبه
ليلك أعزم على نور القمر والهلالي
دام قد حط عنوانه ورواك دربه
حط رجلك على درب الهوى لا تبالي
حرفك القى رنين القلب مثل المنبه
ما جرى فيك ما قد في زماني جرا لي
قد عطا لك ثلث من حب الاحباب نسبه
ونت لا تبخل اتجمل معه يا جمالي
ليت وانا اعرفه لا دلعه ونتبه به
واكن اغليه ياغالي على كل غالي
واترك النيد وتعين حواليه عزبه
انهو في تهامه وانهو في الجبالي
لجل اشوفه عساه يحب ولا يشبه
الحلى والدلع ذي نور حسنه يلالي
كل ما ريح نسناس العشيه تهبه
يتصلي وانا أسري له وهيد الليالي
واعتقه من هوى بالي في الكاس شربه
اكسب الاجر يوم أنه بكفه دعا لي
رسل الرقم لا تخفه ولا عد تخبه
نقسم الربح يا حضرة سمو المعالي
.............
زودنا
بالقصيدتين الشاعر عبد الاله الدغري
0 تعليقات