يالله يامن بليت أيوب وأشفيته
............
يالله يامن بليت أيوب وأشفيته
وانجيت ذا النون واحييته ببطن الحوت
واعليت موسى على فرعون واهديته
وانطقت عيسى بن مريم قبل يلبس كوت
واسلمت ابونا من النيران وانجيته
والقيت نمرودها من حجته مبهوت
ادعيك واتوسلك والكف مديته
لطفك بناصر علي ي صاحب الملكوت
ما تبتلي عبدك الا لا انت حبيته
والمبتلي في صلاحه دايما منعوت
ناصر علي من بيوت الله لا بيته
لا ساير الصايع الضايع ولا السربوت
يارب لا مس ناصر ضر عافيته
يالله لا احرمتني من مشربي والقوت
ابي ومن غير ابي بالعين خبيته
والله لو شي يصيبه لا اقتهر واموت
وصاني الله باحسانه ووصيته
يزيدني لا عصيته لطم بالشلوت
ابي مع الفخر فوق الراس بزيته
علمني ان العزاز أغلا من الياقوت
بالامس ابي شلني واليوم شليته
جعل لعيني عما لا شافته مكبوت
لو اخدمه عُمر فوق العُمر ما اوفيته
الله يديمك لنا ي محزق الباروت
............
20 مارس 2021م الوالد
يمر بوعكه صحيه اسأل الله ان يشفيه ويعافيه
وانجيت ذا النون واحييته ببطن الحوت
وانطقت عيسى بن مريم قبل يلبس كوت
والقيت نمرودها من حجته مبهوت
لطفك بناصر علي ي صاحب الملكوت
والمبتلي في صلاحه دايما منعوت
لا ساير الصايع الضايع ولا السربوت
يالله لا احرمتني من مشربي والقوت
والله لو شي يصيبه لا اقتهر واموت
يزيدني لا عصيته لطم بالشلوت
علمني ان العزاز أغلا من الياقوت
جعل لعيني عما لا شافته مكبوت
الله يديمك لنا ي محزق الباروت
0 تعليقات