زامل الشاعر/ ناجي محمد نشوان (أبو نشوان)

 

يا ذياب انقل سلامي لبو فضل الحنج

 

بدع موجه للشاعر ابو رحال ذياب السوادي والشاعر علي صالح شرهان والشاعر (الربع) علي محمد سعد ناجي و الشاعر صالح محمد ابورفاد القايفي والشاعر ناجي علي ناصر شرهان

 

...............
 
يا ذياب انقل سلامي لبو فضل الحنج
والربع والقايفي والسمي نجم الحناج
 
قل لهم لاحد يبا منهم يسرح يحج
مكتبي موجود واضمن لهم عمره وحاج
 
وان معجبهم كلامي فهي با تخترج
با يظم الخُبر ذي خالق الارض الفجاج
 
الجمايل علمها في الفضاء العالي يرج
ذي قصدني لازم آعالجه بفضل علاج
 
...............

زامل الشاعر/ علي محمد سعد ناجي الربع

 

جواب على زامل الشاعر ناجي محمد نشوان أبو نشوان

 

...............
 
مرحبا ما سابله سال  بالذيب اللغج
قل لناجي ياذياب قد قبلت الإندماج
 
مثل واحد سار سهمي وهي با تنفرج
وانت ياسرحان سرج وسنب فالدراج
 
...............

زامل الشاعر/ علي صالح شرهان

 

جواب على زامل الشاعر ناجي محمد نشوان أبو نشوان

 

............
 
مرحبا نشــوان ذي لا تحاكا ما لتج
فرع صافي من قبايل لهم فالعز تاج
 
لابدا وجهه بدا جهز الموقف نضج
في حما جمر القرض طاب ملحه والحواج
 
ياسوادي قل لناجي علا ماهو يدج
والربع جنب الثلاثه شماطه والحداج
 
وانت ياسرحان خامس رفاقك لا يطج
ان شي فالجيب وإلا تصيد له نعاج
 
.............

زامل الشاعر/ محمد صالح القايفي أبو رفاد

 

جواب على زامل الشاعر ناجي محمد نشوان أبو نشوان

 

..............
 
قال أبا سفيان من جيز من زلج زلج
الذي بادر جــــــوابه يبادر   بالزلاج
 
والذي بعده يبرهــج ولاحد  يمتسج
من يقدم خير يمشي وقدامـــه سراج
 
...............

زامل الشاعر/ ذياب السوادي (أبو رحال)

 

جواب على زامل الشاعر ناجي محمد نشوان أبو نشوان

 

.............
 
قال ابو رحال ماحد من اصحابي مخج
طالما مشروبهم زوقل العذب الاوجاج
 
الربــــع لولا المرض قيده ان قد عرج
اوقد افعل سع سليمان قصرةمن زجاج
 
وابن شرهان الكريم البخيل المزدوج
ما اقتصر فالطارفه لو يوفي بالدجــــاج
 
والصديق القايفي ملح يملح من سمج
درع واقي لا اعتدل عند شاعــرنا المزاج
 
دعم ابو نشوان في خط ساني معتوج
طب من جاله  معوق  ومحتاج  المساج
 
والضياء ناجي قيادي مخضرم مندمج
في بني شرهان بين اخـوته مثل السراج
 
...............
زودنا بالزوامل الشاعر عبد الاله الدغري