قصيدة الشاعر/ علي عامر العبدلي

يا صالح السلال وينك يا الصديق المعتمد

 

قصيده مرسله الى الشاعر ابوهمام صالح السلال  مزروع في سبتمبر 2022م

 

..................
 
يا صالح السلال وينك يا الصديق المعتمد
ودي لك اشكي من عيا بقعا ومن قل الرصيد
 
ومن هموم الوقت ذي قد جورها يقتل اسد
اثقالها يابو وفاء خلت علي عامر وحيد
 
جرا عليا هم ماقد شاهد  عابد عبد
حطم طموحاتي وخلا كامل افكاري شريد
 
والضيق يعصف بي ونوم العين يامزروع صد
وخافقي تلعب به افكاري ونا راسي عنيد
 
والشوق ذابح والهواء قتال والفرقا نكد
والحب يقتل صاحبه لاسامح الوقت الشديد
 
بذات للعاشق سكن بلده وخله في بلد
يمسو مع التفكير جمعه بس فالواقع بعيد
 
دمع المفارق دمع يامزروع يسقي كل خد
يحرق جبين الشوق من جوره ولوهو مايفيد
 
يحلم ويتأمل ويتئلم ويكمت للنهد
وحرها ياصالح السلال ذوب للحديد
 
وسيفها البتار حداده ترا خلاه حد
قطع شرايين القاء وزل في حبل الوريد
 
لاكن فلا من عاند الواقع وجاهد وجتهد
قدربما يتعب وفالتالي تراه المستفيد
 
بصبر وكابر لودمي  في وسط شرياني جمد
وخفي جروح الوقت وظهر للملا اني سعيد
 
ياصالح الدنيا تراها مثل ماشفته وشد
نريد فيها بس رب الكون يفعل مايريد
 
تفتك عقده منها وتعقدت عدت عقد
ذي تربش العالم وتربدهم بخافيها ربيد
 
تذكر زمان اتمشكل العرقوب وصحاب العند
من وقتها والشعب يامزووع حبله من مديد
 
ذل المواطن ذل من تسعين مالاقا سند
وهل الولا وهل السياسه تدعم الفكر البليد
 
هذا نهب هذا سرق هذا في السلطه فسد
وذاك له دوله وله  قانون وحده في زبيد
 
وبو لهب ذي زوجته في جيدها حبلن مسد
كانت سبب ماقد جرا ربي لها يوم الوعيد
 
وكلهم شف لاجهيمه نار تشعل بالوقد
ذي منهم ذقنا المراره ريس الدوله وسيد
 
مثواهم المعروف يامزروع باين يوم غد
في نار من ماذي يسو حمرا ترا توقد وقيد
.............

قصيدة الشاعر/ ابوهمام صالح  السلال  مزروع 

 

جواب على قصيدة الشاعر علي عامر العبدلي

 

.............
 
يا مرحبا ما لمت الناوه وما الراعد رعد
وجاد رب الجود بالنعمه وبالخير المزيد
 
والسيل فالوديان يتنحدر ويسقي كل حد
والأرض يكسيها عظيم الشأن بالثوب الجديد
 
يامرحبا مرحب ميت مليون ماتحصى عدد
حيا باابو رافع علي عامر علي رجّال جيد
 
عميسي الحقّات متأصل على أباً وجد
من حال غلمه ماتسير الا على الراي السديد
 
أنا وياه اخوه مشينا بالوفاء يداً بيد
والناصري ناصر علي ذي أسس القصر المشيد
 
والله ماانسى قدر ابو رافع ولا انسى ابو حمد
كلا ولا انسى الوِد لو تنساني ابيات القصيد
 
وبعد يامالي وحيدي صح لسّانك مدد
يا عندليب المنهل المضمون والطرح الفريد
 
ياباطلي والوقت ياابو سهم ما عد حد لحد
قد الفرح مرمي بسهم الضيق واتوفى شهيد
 
اوضاعنا يا صاح خلّت كل حد منّا شرد
أصبح لقانا بالحبايب يا سنادي يوم عيد
 
يا ونتي ونّة سهير العين ذي ما زد رقد
ونّة حزانا تندب الفرقه قفى موت الفقيد
 
من فرقتك يا من فراقك هد روحي والجسد
أي والله ان البُعد يامحبوب شيطاناً مريد
 
وكيف لا يا راحتي يا مهبط العيش الرغد
كم ذاب قلبي من فراقك مثلما ذاب الجليد
 
وهاكذا لا غبت عنّك شهر جرّيت القُهد
في كل يوم ارسل خمسة عشر رساله لا البريد
 
وكلما جاتك رسالاتي نزل دمعك سرد
ارسلت لي واقرا واردد ما كتبته واستيعد
 
هذا وغيري مغترب وسط السعوديه عمد
مااريدها لو بايجيبو لا يدي مُلك الوليد
 
كيف اتركك ياابو ثنايا باهيه مثل البرد
حرام لو شي في يدي لاالبّسك رتبة عميد
 
قد انت عارف صاحبك ما هو من الناس الجِلد
بس ايش اقُل ليت والصيّاد يلقى مايصيد
 
لكن عسى يفتح لنا الفتاح والفرد الصمد
برزق لااخذنا وشلّينا من اطرافه يزيد
 
يا عبدلي من جد بعد الرزق واستجهد وجد
الصبر يارمز الوفاء والطيب والمجد التليد
 
أحنا يمانيون أولو العزم هذا ماورد
والخير قادم ردّدي يادنيتي صوت النشيد
 
لا للتنافر والتباعد والتباغض والحسد
الله يرزقنا بحاكم مثل هارون الرشيد
 
.............
زودنا بالقصيدتين الشاعر عبد الاله الدغري