قصيدة الشاعر / عامر علي بن علي واصل

 

وابدع برحمن ذي بسمة علية البساميل

 

مرسلة الئ اولادة في السعودية

 

.............
 
وابدع برحمن ذي بسمة علية البساميل
كاسي الطير برياشة وفاهم زجيلة
 
يالله ارجوك با الصافات وآيات تنزيل
واجرةالطاف في هذة السنين المحيلة
 
واحمدك حمد ماشنت مزان المهاليل
حمد ما ارتاض بحرك بالرياح الهليلة
 
ياصمط يامداوي وانت طب المعاليل
مانطق من لساني ياالله انك دليلة
 
والف اصلي علئ المختارسيدالمراسيل
ماتهب الرياح الذاريات الهليلة
 
شوقني شوق شقت نايفة شرقي اسبيل
شق نايف نقم وانشق حيدالطويلة
 
شوق وانامعاكم ياالعيال الهياكيل
وسط سوق الخميس وارتاح في الدهرليلة
 
يافروع رحبت ماتطلع الا زغاليل.
شرفوا من وصلكم ظيف بأحسن دخيلة
 
هاجسي لاوصلكم رحبو بة علئ ميل.
راعي الحزم ذي يدي حروفة سهيلة
 
بلغ الفين محسن ماكتب باالبراكيل
عدماشن ماطر في السنين الهميلة
 
وابلغ الفين للفخري سراج القناديل.
ياعسل شهد علاني قطف من نحيلة
 
وافطن القول يامحسن ولك فية  تمثيل.
حسك الفخري انة ذي مشنق صميلة
 
ذي شهدبالمعادي يوم حرب الجراميل.
يوم ما  جاتنا من كل قوة ثقيلة
 
قلت ياالفخري انك من رجال الاكاميل .
قال ابوك انتبة يشتي كساة الجميلة
 
عادمحسن علية الدين جملة مجاميل.
خارجةمالك الأملاك وفوض مكيلة
 
وابلغ القول حفظ الله ذياب الرجاجيل  .
توصلة  بالعطورشق الحروف المهيلة
 
يافطين اللغة يابر يزرع علئ نيل.
يامكسر خراطيم القرون الجليلة
 
واسمعو قولنا واقروةباحسن تراتيل
يابديع المعاني بارقك بانخيلة
 
ياسلامي عددمابات وامسئ المراجيل.
بلغوا خالكم ناجي سنان القبيلة
 
والف خالك علي هومن رجال البواسيل.
ماقصرسامحونا مالنا فية حيلة
 
والف اصلي علئ المختارسيدالمراسيل
ماتهب الرياح الذاريات الهليلة
 
.............