قصيدة الشاعر/ محمد عبد الله القوسي (أبو سامي)

 

العيد جاء وانا معاشي مغيّب

 

13 ابريل 2023م بعنوان (( العيد وصل))

 

....................
 
العيد جاء وانا معاشي مغيّب
هو با يجي في العيد ولا مكانه
 
قالو معا شك با يجي وانت طيّب
المسئله هاذي مجرد أمانه
 
قلت اسعفوني قبل رأسي يشيّب
ويجي معاشي قد تغير زمانه
 
حتا مذيع اليوم شكله حبيّب
اخبار زينة يفصح الله لسانه
 
متا يكون الصرف قالو قريّب
تخلص أذون المالية والخزانه
 
دبر حلاوى العيد هاذا وعيّد
اما الملابس و دها لا الصيانه
 
واللحم بعد الصوم ماهو بجيّد
لا تجرح المعدة وتقلق كنانه
 
خلك على ماكنت واقف مئيد
واتبع وزير المال والبر لمانه
 
..............