النهار ده فاتت عليا أطياف
...............
النهار ده فاتت عليا أطياف
فاتت اطياف اليتامى والارامل
والعواجيز فى الخيام والحوامل
والاطفال فاتت بقلبها الشفاف
اتمزعت صرخات فى الضلوع
شابة مهمومة عينها مليانة دموع
النهاردة فات عليا كل احلام الربيع
كل ازهار البساتين والطفل الرضيع
كل اشجار الجناين والفروع
كلهم فاتوا يطوفوا ، يشوفوا
يسألوا عن الجراءة
يسألوا عن البراءة
ويسألوا عن الاطياف اللى فاتت
واللى جاية والاحلام الوردية
النهاردة فات هلالى
والتقانى من بعيد
كان حزين وتعيس وخالى
كان جى يبلغنى السلام
من طيف اسير مليان وجيعة
النهاردة النجوم فاتت على اطياف بديعة
وحملوها الهموم والليالى الشنيعة
اتبعرت واتدورت وفاتت ليلنا
فاتت عليا اطياف الشقايق والخلايق
من فوق السماء ، اطياف تضئ الليل
زى البدور فى ليلة عتمة أو ليلة كتمة
فاتت بتحكى عن الليالى الحزينة والفجيعة
ولوعات الحروب والويل
فاتت عليا اطياف الشباب تحكى عن الاحلام
وعن ايام
وعن الحلم الطويل
وعن المستقبل الجميل
فاتت بتحكى عن كل قصة وكل حلم
مكتملش
متهزمش
فاتت عليا اطياف واطياف
النهاردة فات طيف شهيد الفجر
وطيف شهيد المدرسة
واطياف بنات تتنهد آسى
وفاتت اطياف جوعى
واطياف حيارى
وفاتت اطياف مفزوعة من الغارة
واطياف فاتت حاملة راية الحرية
وحاملين البشارة
فات النهاردة كل اطياف اليتامى والارامل
والعواجيز فى الخيام والحوامل
.............
شاعر مصري 25 أغسطس 2024م
فاتت اطياف اليتامى والارامل
والعواجيز فى الخيام والحوامل
والاطفال فاتت بقلبها الشفاف
شابة مهمومة عينها مليانة دموع
النهاردة فات عليا كل احلام الربيع
كل ازهار البساتين والطفل الرضيع
كل اشجار الجناين والفروع
يسألوا عن الجراءة
يسألوا عن البراءة
ويسألوا عن الاطياف اللى فاتت
واللى جاية والاحلام الوردية
والتقانى من بعيد
كان حزين وتعيس وخالى
كان جى يبلغنى السلام
من طيف اسير مليان وجيعة
النهاردة النجوم فاتت على اطياف بديعة
وحملوها الهموم والليالى الشنيعة
فاتت عليا اطياف الشقايق والخلايق
من فوق السماء ، اطياف تضئ الليل
زى البدور فى ليلة عتمة أو ليلة كتمة
فاتت بتحكى عن الليالى الحزينة والفجيعة
فاتت عليا اطياف الشباب تحكى عن الاحلام
وعن ايام
وعن الحلم الطويل
وعن المستقبل الجميل
فاتت بتحكى عن كل قصة وكل حلم
متهزمش
فاتت عليا اطياف واطياف
النهاردة فات طيف شهيد الفجر
وطيف شهيد المدرسة
واطياف بنات تتنهد آسى
وفاتت اطياف جوعى
واطياف حيارى
وفاتت اطياف مفزوعة من الغارة
واطياف فاتت حاملة راية الحرية
وحاملين البشارة
فات النهاردة كل اطياف اليتامى والارامل
والعواجيز فى الخيام والحوامل
0 تعليقات