............... رباعي الحروف الذوق والاحساس جلبابه هويته بس ماني قادر اطرق في هواه الباب قسم بالله طول اليوم اتابع رقم واتسابه ويا وعد القبول ان شفت منشوره على الواتساب هويته بس دونه الف بازوكة ودبابه وكيف القاه وآنا اللي فؤادي في غرامه ذاب مسار البوح اخاف انّه يهد الباب واعتابه وطول الصمت اخاف انه يدمر قلبي المرتاب كحيل العين زينات الجزل تركع بمحرابه هويته والهوى فعلا على كل البشر غلاب هويت الشعر يوم انّه يسقيني من اعجابه عسل صافي مذاقه من يدينه يدهش الالباب ثلاثة اعوام والبوح الشجي ماسك على اعصابه ومادرب المحبة والغرام الا حريق اعصاب ولا هو عيب لو قام المحب يصارح احبابه ولكن العواذل واقفة في سكة الاحباب .................
0 تعليقات