قصيدة الشاعر/ مسعد علي مفتاح البخيتي

بسم الله الرحمن ببدع بنشراح

 

12 يوليو 2026م بعنوان (الزم حدودك يا زمان الانفتاح).

 

............

 
بسم الله الرحمن ببدع بنشراح
ذي من بدع بسمه في أمره يشرحه
 
الحمد له مايعقب الليل الصباح
وعد ما شنت مزون السافحه
 
يالله يامن في اتباع امرك فلاح
وفي خلاف امرك خسارة فادحة
 
اغفر ذنوبي الخفيه والوضوح
سالك بفاطر والقلم والفاتحه
 
يقول بن مفتاح يا عصر الكفاح
كافي لنا منك مواجه ذبحه
 
لييش يا عصر التطور والسلاح
ذي تغوه المسلم وغيره تنصحه
 
لييش تنصر ذي على ملة سجاح
وذي على ملة محمد تكبحه
 
لييش بتخرب قواعدنا الصحاح
وتصح ما شرع اليهودي صححه
 
ليش ذي تغال النذل وتهين الملاح
والعذب بتفضل عليه المالحه
 
ليش يعجبك كثر المئآسي والجراح
ما واحد إلا وانت تشته تجرحه
 
لكنني عارف سبب سر النجاح
ذي حالفك والسر انا لك بشرحه
 
يوم ابتعدنا عن سندنا والرزاح
ونصيرنا يوم البغم متقارحه
 
الله ربي مالك الكون الفساح
لا قال لشي كن يكن قبل المحه
 
ألزم حدودك يا زمان الانفتاح
ظلمك وطغيانك تعدا مسرحه
 
ما با نخليلك محاجرنا مباح
ونترك اتباعك بها متبحبحه
 
قد با يحن السيل وتهب الرياح
والبرق بايلمع وتسمع مروحه
 
قد با نسوي مثل جنحانك جناح
ونضربك ضربه قوية مبرحه
 
قال البخيتي آحني مليون آح
من مجتمعنا الغافل الله يصلحه
 
هو المسبب للمشاكل والصياح
ذي خلته عدة فرق متصايحه
 
كل المواقف يتخذها بالمزاح
ما همه إلا المال ولا المصلحه
 
يعامل أعدائه جميعا بالسماح
وعداه ماحد منهم بيسامحه
 
ضحك عليه الغرب بسم الانفتاح
وتحت عنوان السلام ذي ينطحنه
 
يا أمة الإسلام عندي اقتراح
ذي عملتي به تكوني ناجحه
 
عودي إلى القرءان ذي آياته فصاح
وتبعي أحكامه بنية صالحة
 
مابش سوا القرءان يهدي للفلاح
وبايداوي اجراحنا المتقيحه
 
ذي با يزيل الليل ويعيد الصباح
ذي له حوالي قرن ما له رايحه
 
والختم با صلي عدد ما البرق لاح
على الذي جبريل له مد اجنحه
 
طه رسول الله عنوان الصلاح
نور الهدا ذي جاء بدعوة ناجحه
 
............