قصيدة الشاعر / محمد علي القوسي (ابو صبري)

سُـبحـانـك الله خـالـق كُـل شي من عَـدَم

25 نوفمبر 2014م ..

.............

سُـبحـانـك الله خـالـق كُـل شي من عَـدَم

والـكبـريـاء هـي أزار الله دائـم دوام

وبـعـد يانـفـسي أرضـي لـش بـما الله قَـسَم

يـا نـفس ابو حـامـد اتـرجـاش قـولي تـمَـام

واسـتسلمي للـملك بل وأقـنعي به حـكـم

كـما الـرضى والـقناعـه من طـبـاع الـكرام

لـوكـان رزقـش بـيّـد الـخَـلٌق كان أنـعَـدَم

رزقـش على الله مـتـكـفّل بـرزق الأنـام

وبـعـد يا هـاجـسي مُـشتاق إلـيك الـقَـلم

سـعادتي عـندما تـطٌـفي لـهـيب الـخُـرَاَم

مـا كـان وّدّي شُـكـا للـناس رُغـم الألـم

لـكن ظـروف أجـبـرتـني ما عـليّـا مـلام

أشـكي هـمومي على جـمهـوري الـمحترم

لـعلّي أرتـاح من جُـرح الـسنـين الـقـدام

أكـثر جـروحي من أقـرب ناس لـحماً ودَم

كـم كرروهـا وعـادونـي بـزرع الـخـصام

غـثّـوني الـناس ذي كانوا بـرأس الـهـرَم

مـاكُـنت ظـنّي يـجـي منهم سـفيّـه الـكلام

ما يوم قـصّرت فـيـهُـم بالـوفاء مـلتـزم

عُـمري مـعاهم وسـنّي تـحـت سـن الـغُلام

بـنـيـت جـسـر الـمـحبه بالـعدد والـرقَـم

وأخـلصـت في الـحُب ما نـقّـصت مـنّه جـرام

وكـم تـحـملـت كـم فـأسـه عـلـيّا هـجَـم

لـجـل الـقرابـه تـحـمّلت الأمـور الـجـسام

وكُل ما ابـني جـدار الـحُـب بـعـدي هـدَم

وكُل ما أصـلحـت ذي خـرّب يـردّه حُـطـام

وكُـل ما اعـفيـت يـرجُـم لاتـجـاه الـغـنَـم

سـهـامه الـقاطـعه تـنـفُـذ رقـيـق الـعظام

وكُل ما نـظّـف الـوادي يـرد الـسـدَم

حـاولت حـاولت لكن داخـله ما أسـتـقام

وكُل ما أعـطـيه يـزبـط نـعمته بالـقـدم

يـظـهـر لي الـحب وابـطن داخـله سُم سـام

والله لـولا الـقرابـه ما عـفـيـت الـتُـهـم

اقـافي الـقُرب والـعشره بـدون انتقام

فـعـل مـثـيل الـمـسافر من عَـسَمٌ لا عَـسَمٌ

تـلخـبط الـسير عـنده تـحت جُـنـح الـظـلام

وجـائع الأهـل تـسـري مثل داء الـجـذَم

يـنهـش في الـجسم من بـعد الألم والـورام

هـذا الـملـخص وهـذا ما حـصلّي وتـم

وأسـتغفـر الله لا زلّـيـت بـين الـحـرَام

يـارب أسـالك بـتوبـة صـدق قـبل الـنـدم

وأحـسن خـتامي إلهي قـبل يـوم الـزحـام

والـختم أصلي عـلـى من دق عُـنق الـصـنم

عـلى مـحـمد وآلـه مـا تـطـير الـحـمـام

............