قال الحدم لا ودي انظم قافي
16 يناير 2015م ..
.............
قال الحدم لا ودي انظم قافي
ارتاح فالمقيل وفالتخزينه
بالخص لانا مفتهن متعافي
فهاجسي كوده يحن حنينه
يرسل تحياته لكمن وافي
لهل المعارف والامور الزينه
لكل واحدمنهم مرصافي
ورود نرجس شمهن يكفينه
محلى الادب والنظم لا هو صافي
بالخص للانتاج من ذلحينه
صدق الصداقه سلف والا اعرافي
مثل الجواهر غاليه وثمينه
والا فكافي ياصديقي كافي
والطين من آدم وأدم طينه
...............
قصيدة الشاعر / عبد الملك
حسن الحدم
جواب على زامل الشاعر عادل علي بلال .
...............
قال الحدم لانا مكيف دافي
فهاجسي كالسلسبيلْ مِعِيْنَه
على البحور بازِيْد بحر إضافي
وَٱشَغِّل الأبيات شُغْلْ مَكِيْنَه
وشعري المعروف بالشفافي
مَلِكْ القوافي قَرَّرُوا تَعْيِيِنَه
ما يعرف الشطحه ولا ٱلخِرَّافِي
مجبول من ربي لنصرة دِيْنه
حيا الله البداع رزح ٱكتافي
ذي بيننا كل الصلات متينه
وقت الحظا كالبرق يطمر حافي
ولا يخاف ٱسكود ولا لدَفِيْنه
أبو علي فالشعر بحره ضافي
وفي ٱلادب والنظم أينك وينه
من القرين الكل بز قوافي
أمَّا هو الاستاذ حق قَرِيْنَه
إحنا البشر في ٱلأصل خَلْقْ ضِعَافِي
من نُطْفَةٍ مجرى السبيل مَهِيْنه
...........
زودنا بالقصيدتين الشاعر عادل بلال
0 تعليقات