يامن رفعت السبع واستعليت فوق السابعه
يوليو 2019م.
.................
يامن رفعت السبع
واستعليت فوق السابعه
يا ناصر انصار العقيده
وانت منهات الجميع
يا عالم النيات واهداف
القوى المتنازعه
ياهادي المؤمن دروب الحق
يا نور المطيع
بالعاديه والجاثيه
والقارعه والنازعه
بالبيت واركانه وجاه
المصتفي طه الشفيع
بانبيائك والرسل اهل
القلوب الخاشعه
وايات كتبك مال لدعوات
اليمن غيرك سميع
ناديت واثق بك وراجي
والسواجي دامعه
وأنا الذي ما اشكي لحد
همي ولا بالهم اذيع
دمعي مع دمع الوطن من
نهر حزنه نابعه
والدم يقطر من شراييني
مع دم الرضيع
والطفل والشيخ الكبير
السن يلقى مصرعه
واهل اليمن كلين عقله في
خياشيمه صريع
اشعر وذي يهوا سماع الشعر ممكن
يسمعه
ويقول صح الله لسانك
ونعمك شعرك فضيع
لا صح لساني ولا هو
مشكله لو اقطعه
المشكله لو ما يأمل صاحب
العقل الوقيع
المشكله حين اعتني في
الشعر واكتب واطبعه
واعنيه واتعنا حروفه فوق
جهدي يستطيع
وانسج حروفي في صميمي
والشعور تصنعه
واقول كلمة حق مالي في
مقابلها صنيع
الحق لي في ان
احرار اليمن تتطلعه
وتراجعه وتامله
وتاخذ الحل السريع
وتنتقدني طالما صدري
لنقادي سعه
والحق من جاء
غير نهج الحق مسراحه
شنيع
الشرعيه يا شرعيه
في شرعكم متشارعه
شرع العراده مستقل عن شرعية عبده خضيع
ما دام دخل
الخام في مارب
دفن في موضعه
والبنك والخزنه وهادي في الجهبه والبقيع
تشتو نايد شرعية هادي
ومحسن يمنعه
وشلة الشلال شايع يا
خفيعك بالخفيع
واهدافكم صنعاء وصنعاء دان لك وا ساجعه
صنعاء بعيده اين وكر الليث من محوى القطيع
صنعاء عروسه زوجها راضيه
مستقنعه
والسيد اصبح سيدها قلبه
بها راضي قنيع
والشرعيه عاد
الشواعه تحت حكم الشارعه
عد شي خجل يا شرعيه عد
شي حيا فيكم وريع
شرع المعارك في المحاجي
غير رقص الجامعه
هذا الرصاص الحمر
والباروت ذي يقرع قريع
انتم نجوم
الفن وأصحاب الوجوه المبدعه
في المسرحيه والغنا
والهرج وأنواع الطقيع
انتم كوادر كومديه حق كثر الثع ثعه
انتو تجمع تجمعوا
جمهور سلمي للزبيع
ايش عرّضك جيش المسيره
والقوى متطوعه
يحمل كتاب الله من لله
والقائد يطيع
انتوا شراذم حاقده وانتوا شلل متربعه
ويل المخاوي في التوالي
من خويه والربيع
خويكم وحليفكم راضي لكم
بالصرمعه
من أجل هذا دخلك في درب
من دخله يضيع
الاوله والثانيه والثالثه
والرابعه
والشرعيه متنبيه للزرع حيث صر
الشريع
يا شرعيه في
شرعيتكم غير ما الله شرعه
شرع البقر تبعان والبتال تفكيره تبيع
خافوا من
الله اخجلوا انتوا
تملو زوبعه
يا علة المعلول
يا اوجاع من قلبه وجيع
ماشي لكم قدره
لزوع الحمل ليش البلقعه
ليش تدخلوا
شعب اليمن في الحرب يا كمن وضيع
هذا جبل مران هذا
البدر ما حد زع زعه
كم حاولوا صالح ومحسن واللواء محسن سريع
كم هددوا كم
حاربوا كم حاصروه في موقعه
غاروا بطياراتهم ما حركوا
شامخ منيع
................
زودنا بالقصيدة الشاعر عبد الاله سعد الدغري
.jpg)
0 تعليقات