مشكلة بعض البشر فيهم طبيعــه
29 ديسمبر 2019م.
.............
مشكلة بعض البشر فيهم طبيعــه
كل كلمة صدق بالكـذب الصقوهـا
عمرهم ما يمشوا الا بالخديعــــــه
والصداقـــات المتينـــه مزّقوهــــا
بالحنق و الهجر و اعلان القطيعـه
و الزياره و الولايـــم يحنقوهـــــا
ما يشوفوا غير الاعمال الشنيعــه
ينشروها و البقيّــــه صدّقوهــــــا
ينشروا كل الإشاعـات المُريعـــــه
بس الاشياء الجميله يحرقـــوهــا
شغلهم في نقل الاخبار السريعـــه
قبلما الأحداث توصل يسبقوهــــا
بعضهم ياخذ من الغلطــه ذريعــه
لو يشوفوا كل غلطه وثّقوهــــــــا
عِــــزّ نفسـك خلّها دومـاً قنيعــــه
قبلما هـــــــم بالقذاره يغرقوهــــا
خلّ سرّك في صميمك لا تشيعـــه
قبل نفسك بالسخافــه يقلقوهــــا
انتبه حد يسمعك يرجـع يذيعــــه
كل كلمـه يسمعـــــوها لفقوهــــــا
اختر اصحاب الصناديق المنيعــه
كلما سمعوا سوالف صندقــوهــــا
من يعيشوا بالمقامـــات الرفيعــه
و القوانين الوثيقــــه يعشقوهــــا
والمشاكل ما تصل حد الشريعــــه
كلما كُبــرت بِحِكمـــــه غلّقوهـــــا
...........
){kind=link}
0 تعليقات