بدع موجهة الى الشاعر عبد الفتاح الزُبيدي
أبو ليث 2 أكتوبر 2021م
يافاطر العود واحييته وهو كان يبوس
من كل شيطان وسواس في جميع النفوس
من ظلمهم ضاقت الدنيا بكل الطقوس
شعب اليمن لا يجد شيعي ولابه مجوس
نحفظ كتابه واياته بكل الدروس
وجرعو كل مسكين من أمَر الكئوس
بدال الاثوار ضحينا جماجم وروس
كلين نأوي لراس خصمه يجزه بموس
رغماً علی اخشام اعدأئه ضعاف النفوس
ياويله الويل من باع الوطن بالفلوس
والليل لو طال باتعقب ضياها الشموس
وصل جواب الزُبيدي دوس ياشيخ دوس
من حصن شامخ تعلت فيه كبار الحلوس
لادار ابو ليث بأتلقاه وربعه جلوس
يشرف علی وادي اخضر فيه زين الغروس
القيل ابوليث ذي ماسه قطع كل موس
لاعاد له انياب ياشاعر ولا عد ضروس
وسلمو له مفاتيح المدن والسلوس
وانت الذي يفهم المكتوب لوهو طموس
خزن بقات محقني طعمه يحك الضروس
متعاقب اليل ونهاره وطلعت شموس
قصيدة
الشاعر/ عبد الفتاح الزُبيدي (أبو ليث)
جواب على قصيدة الشاعر حسان الزُبيدي
وكفني شر ذي يمشو بخط العكوس
بالوجه تضحك ولا قفيت تحلق يبوس
وهات يا قهوجي براد شاهي كبوس
رسول حسان ذي جانا بحرف الهجوس
وصاحبه حُر عمره ما احتبس بالحبوس
وانا على قولتك لبسي خيار اللبوس
المستظي لا عمي قالو يعسعس عسوس
الزومله للشواعه والهنا للعروس
واليوم جت خالتي وأتم جلدي دحوس
حبلت بساعه وولدت قبل يوم الحسوس
الا حما الموت من بغمة شياكي وروس
بأمر من خالته ذي باعت الأندلوس
هذي قرارات حاخامات لوس أنجلوس
وفوق هذا يجادلني ويحلف غموس
بالنار ذي لست أكباد التبابع لسوس
السم بين العسل وانا أشربه عيطبوس
ما اليوم راسك وجلدك يخلسوهن بِ فُوس
وتسبر أوضاع ذي نمسي عليها ننوس
وبين عبده وعبده ضعت ياعيدروس
بيناتنا البين حربه حرب حامي ضروس
ما امست رجاجيلها خلف المتارس حروس
زودنا بالقصيدتين الشاعر أبو ليث
0 تعليقات